Sexual harassment and privilege

Yaar mujhe 700 se zayed sexual harassment ki request aa chuki hain bhai bohat hoti han.
waisay hi App k Bhai setting nahi ho rahi thi, oopar se is sharmeen ki wajah se jo chance bhi tha jany ko hay.Wasay bhi Shermeen k mutabiq Friend request agar sexual harassment hay to kisi larki ke liye rishta bhejna to zina bil-jabar ho gaya. '


Shermin aur Dr sahab walay waqea ke baad is tarz pay likhay gaye mukhtalif jumlay aap sab ki news feed aur Twitter timeline par nazar se guzray hon ge. aurton ko un jumlon par herat nahi hoti. mardon ko sharam bhi nahi aati. mardangi ka taqaza bhi yahi hai .
pata nahi yeh feminist khawateen ka masla kya hai. sexual harassment hamaray mamool ka aik normal hissa hai aur hamein usay khulay dil se qubool karna chahiye. aurtain aksar aik dosray ko sexual harassment ke waqeat se aagah karti hain aur ekhtataam is jumlay par hota hai ab hum kar bhi kya satke hain, jane do.mard kya karte hain,is ka barah e raast manzar dekhnay liye shehar ki kisi bhi sarrak par tanha khari aurat ke aas paas guzarte mardon ka rawayya dekh lijiye. mardon ki is qader purkhuloos tawajah ke bawajood hum aurtain hrasmnt ka rona roti rehti hain, herat hai. chand dinon pehlay aik pol mein Karachi ko khawateen ke liye duniya ke sab se khatarnaak mumalik mein dosray number ki ranking ka Sharf haasil suna. report thomson reuters foundation ki thi. aisay mein sharmeen obaid chinoy ne apni behan ke sath honay wali exual harassment par aawaz utha daali. agha Khan university hospital ki emergency mein un ki behan ne ilaaj karwaya. jis dr ne Shermin ki hamsheerah ka ilaaj kya, is ne inhen Facebook par bhai Facebook per nihayat khuloos ke sath friend request bhaij daali batao...

kuch arsa baad khabar aayi ke AKU ne is dr kosuspend kar diya hai. phir samnay aaya ke AKU mein Mosoof ke khilaaf mukhtalif logon ki shikayaat ke sabab inquiry jari thi. yaad rahay ke inquiry Shermin ki behan ke sath paish anay walay waqeye se pehlay se jari thi. kya kya sitam sehney parte hain mardon –apne khuloos ke sila mein !

dr ke suspend honay par Pakistani mardon ke sabr ka pemana labraiz ho gaya aur social media par yakja ho kar tamam mardon ne naaqis Aqal mastoorat ko yeh batany ka bera uthaya ke dr ka Friend request bhejna sexual harassment ke zamray mein nahi aata kyunkay khawateen chahain to accepts karen ya phir ignoor ya reject kar den.sharmeen walay mhaz ko fatah karne ke baad naaqis Aqal khawateen ko yeh bawar karaya jaye ga ke sexual harassment darasal zehen ka futoor hai.aik mard aik raah chalti aurat ki kamar par haath phair deta hai. ab aap hi bitayen, kya aurat ke paas yeh ikhtiyar nahi ke woh accepts kar ke is mard ka haath apni kamar par rakh le ya ignoor kar ke chali jaye? aur kitney haqooq chahiye hain un aurton ko ?' aakhri jumla ada karte hue spokesperson aabdeedah ho gaye..

sexual harassment karna Pakistan ki tamam khawateen se mutaliq aik masla hai lekin hum sirf ishrafia aur khawateen ke liye baat karen ge, theek hai? sharmeen k pegham na hum ko ya bataya woh is ke khandan se talluq rakhti thi jo dabao ma nahi ata yeh bhi pegham hona chahiye ke insaaf sirf akailey tabqa tabqay se talluq rakhnay wali aurton ka khusoosi haq hai .

Read More: https://goo.gl/557ktC